Аппликейшний Үйлчилгээний Нөхцөл

1.1. "Хэндл" нь үйлчилгээ авах хүсэлтэй иргэн, хуулийн этгээдийг тухайн үйлчилгээг үзүүлэх боломжтой хувь хүн, хуулийн этгээдтэй холбох зориулалт бүхий цахим зуучлалын платформ юм. "Хэндл" нь үйлчилгээний салбарын захиалга, санал, гүйцэтгэл, үнэлгээ, төлбөр тооцоо, харилцаа холбоог нэг орчинд зохион байгуулах боломжийг хэрэглэгчдэд олгоно.

1.2. Энэхүү Үйлчилгээний нөхцөл нь "Хэндл" аппликейшн, цахим хуудас, тэдгээрийн бүх хувилбар, шинэчлэлт, төлбөрийн систем, хэрэглэгчийн бүртгэл, үйлчилгээний захиалга, үйлчилгээ үзүүлэгчийн үйл ажиллагаа болон платформ ашиглахтай холбоотой харилцааг зохицуулна.

1.3. "Хэндл" платформд бүртгүүлэх, нэвтрэх, үйлчилгээ захиалах, үйлчилгээ үзүүлэх санал илгээх, үйлчилгээ гүйцэтгэх, төлбөр төлөх, төлбөр хүлээн авах, үнэлгээ өгөх, эсвэл платформын аливаа хэсгийг ашиглах замаар хэрэглэгч энэхүү Үйлчилгээний нөхцөлийг бүрэн хүлээн зөвшөөрсөнд тооцно.

1.4. Хэрэв Хэрэглэгч энэхүү Үйлчилгээний нөхцөл болон "Хэндл"-ийн Нууцлалын бодлогыг хүлээн зөвшөөрөхгүй бол платформыг ашиглахаас татгалзах эрхтэй. Ийм тохиолдолд платформын зарим болон бүх үйлчилгээг ашиглах боломж хязгаарлагдана.

1.5. "Хэндл" нь үйлчилгээний захиалагч болон үйлчилгээ үзүүлэгчийг холбох, захиалга дамжуулах, төлбөрийн мэдээлэл боловсруулах, үнэлгээний систем ажиллуулах, үйлчилгээний чанар, аюулгүй байдлыг дэмжих зорилготой зуучлагч платформ байна. "Хэндл" нь үйлчилгээ үзүүлэгчийн гүйцэтгэсэн ажлын чанар, хугацаа, үр дүн, хэрэглэгч хоорондын гэрээний үүргийг шууд хариуцахгүй.

1.6. "Хэндл" нь платформын хэвийн ажиллагаа, үйлчилгээний чанар, хэрэглэгчийн аюулгүй байдал, хууль ёсны ашиг сонирхлыг хамгаалах зорилгоор энэхүү нөхцөлд өөрчлөлт оруулах, үйлчилгээний зарим хэсгийг шинэчлэх, түр зогсоох, хязгаарлах эрхтэй.

2.1. "Платформ" гэж Хэндл нэртэй мобайл аппликейшн, цахим хуудас, админ систем, төлбөрийн систем, хэрэглэгчийн бүртгэл, үйлчилгээний захиалга, үнэлгээ, мэдэгдэл, чат, хэтэвч, урамшуулал болон тэдгээртэй холбоотой бүх цахим шийдлийг ойлгоно.

2.2. "Хэндл" гэж платформыг хөгжүүлж, ажиллуулж, үйлчилгээний захиалагч болон үйлчилгээ үзүүлэгчийг холбох цахим зуучлалын үйлчилгээ үзүүлж буй Гоо бүүкинг системс ХХК болон түүнтэй холбоотой эрх бүхий этгээдийг ойлгоно.

2.3. "Хэрэглэгч" гэж энэхүү Үйлчилгээний нөхцөлийг хүлээн зөвшөөрч, платформд бүртгүүлсэн буюу платформыг ашиглаж буй иргэн, хуулийн этгээдийг ойлгоно.

2.4. "Захиалагч" гэж платформ ашиглан тодорхой үйлчилгээ авах хүсэлт гаргасан, үйлчилгээний захиалга үүсгэсэн, үйлчилгээний төлбөр төлөх үүрэг бүхий хэрэглэгчийг ойлгоно.

2.5. "Үйлчилгээ үзүүлэгч" гэж платформд бүртгүүлж, Захиалагчийн хүсэлтээр үйлчилгээ үзүүлэх санал гаргасан, захиалга хүлээн авсан, эсвэл үйлчилгээ гүйцэтгэсэн хувь хүн, хуулийн этгээдийг ойлгоно.

2.6. "Үйлчилгээ" гэж Хэндл платформоор дамжин захиалагдах гэр ахуйн үйлчилгээ, засвар үйлчилгээ, цэвэрлэгээ, техник үйлчилгээ, байгууллагын туслах үйлчилгээ болон платформоос зөвшөөрсөн бусад үйлчилгээний төрлийг ойлгоно.

2.7. "Захиалга" гэж Захиалагчийн платформ дээр үүсгэсэн үйлчилгээ авах хүсэлт, түүнд холбогдох байршил, хугацаа, үйлчилгээний төрөл, үнэ, тайлбар, шаардлага, хавсаргасан зураг, файл болон бусад мэдээллийг ойлгоно.

2.8. "Үйлчилгээний төлбөр" гэж Захиалагч үйлчилгээ авахын тулд төлөх нийт дүнг ойлгоно.

2.9. "Платформын шимтгэл" гэж Хэндл нь үйлчилгээний захиалга дамжуулах, төлбөрийн систем ажиллуулах, хэрэглэгчийн бүртгэл, үнэлгээ, дэмжлэг, технологийн үйлчилгээ үзүүлсний төлөө суутгах төлбөрийг ойлгоно.

2.10. "Хэтэвч" гэж үйлчилгээ үзүүлэгчийн орлого төвлөрөх, платформын шимтгэл суутгагдах, буцаалт, урамшуулал, шилжүүлэг, бусад төлбөр тооцоо бүртгэгдэх аппликейшн дэх цахим үлдэгдлийг ойлгоно.

2.11. "Цахим гарын үсэг" гэж хэрэглэгчийг таних, баталгаажуулах зорилгоор ашиглах нууц үг, пин код, нэг удаагийн код, биометрик баталгаажуулалт, системийн баталгаажуулалтын бусад цахим өгөгдлийг ойлгоно.

3.1. Хэрэглэгч нь Хэндл платформд бүртгүүлэхдээ үнэн зөв, бүрэн, шинэчилсэн мэдээлэл оруулах үүрэгтэй.

3.2. Бүртгэл үүсгэхэд хэрэглэгчийн нэр, утасны дугаар, цахим шуудан, байршил, үйлчилгээний төрөл, төлбөрийн мэдээлэл, шаардлагатай тохиолдолд иргэний үнэмлэх, байгууллагын мэдээлэл, мэргэжлийн үнэмлэх, зөвшөөрөл, туршлага, зураг, бусад нотлох баримтыг шаардаж болно.

3.3. Хэндл нь хэрэглэгчийн бүртгэлийг баталгаажуулах зорилгоор нэг удаагийн код илгээх, цахим гарын үсэг ашиглуулах, төрийн мэдээлэл солилцооны систем, банк, төлбөрийн байгууллага, эсвэл гуравдагч этгээдийн баталгаажуулалтын шийдэлтэй холбогдох эрхтэй.

3.4. Нэг хэрэглэгч нэг үндсэн бүртгэлтэй байна. Гуравдагч этгээдийн нэрээр бүртгэл үүсгэх, бусдын бүртгэлийг ашиглах, өөрийн бүртгэлийг бусдад ашиглуулахыг хориглоно.

3.5. Үйлчилгээ үзүүлэгч нь платформоор захиалга авахын өмнө Хэндлийн тогтоосон бүртгэл, шалгуур, баталгаажуулалт, үйлчилгээний стандарт, шаардлагатай гэрээний нөхцөлийг хангасан байна.

3.6. Хэндл нь үйлчилгээний аюулгүй байдал, хууль ёсны байдал, чанарыг хамгаалах зорилгоор шаардлага хангаагүй хэрэглэгчийн бүртгэлийг баталгаажуулахаас татгалзах, нэмэлт мэдээлэл шаардах, бүртгэлийг түр түдгэлзүүлэх, хаах эрхтэй.

4.1. Хэндл нь хэрэглэгчдийг холбох, үйлчилгээний захиалга дамжуулах, платформын хэвийн ажиллагааг хангах, төлбөр тооцооны мэдээллийг боловсруулах, хэрэглэгчийн дэмжлэг үзүүлэх үүрэгтэй.

4.2. Хэндл нь платформын найдвартай ажиллагаа, мэдээллийн аюулгүй байдал, хөгжүүлэлт, сайжруулалт, шинэчлэлтийг зохион байгуулах эрхтэй.

4.3. Хэндл нь үйлчилгээний төрөл, үнэ тогтоох аргачлал, шимтгэлийн хувь, урамшуулал, хэтэвчний нөхцөл, төлбөрийн хэрэгслийн сонголт, захиалгын дүрэм, үйлчилгээний стандарт, зөрчлийн арга хэмжээг тогтоох, өөрчлөх эрхтэй.

4.4. Хэндл нь хэрэглэгчийн санал, гомдол, үнэлгээ, захиалгын түүх, төлбөрийн мэдээлэл, үйлчилгээний чанарын үзүүлэлтэд үндэслэн үйлчилгээ үзүүлэгчийн эрхийг нэмэгдүүлэх, хязгаарлах, түр хаах, цуцлах эрхтэй.

4.5. Хэндл нь хууль тогтоомж, эрх бүхий байгууллагын шийдвэр, хэрэглэгчийн зөвшөөрөл, үйлчилгээний шаардлагад нийцүүлэн хэрэглэгчийн хувийн мэдээллийг цуглуулах, боловсруулах, ашиглах, хадгалах, шаардлагатай тохиолдолд эрх бүхий байгууллага, төлбөрийн байгууллага, охин болон хараат компани, үйлчилгээний түнш байгууллагад дамжуулах эрхтэй.

4.6. Хэндл нь хэрэглэгч хоорондын маргааныг шийдвэрлэхэд дэмжлэг үзүүлж болох боловч үйлчилгээний бодит гүйцэтгэл, үр дүн, чанар, хэрэглэгч хоорондын тохиролцоо, шууд харилцаанаас үүссэн аливаа үүргийг өөрөө хариуцахгүй.

5.1. Захиалагч нь платформоор дамжуулан үйлчилгээний захиалга үүсгэх, үйлчилгээний төрөл, байршил, хугацаа, шаардлага, нэмэлт тайлбарыг оруулах, үйлчилгээ үзүүлэгчийн мэдээлэл, үнэлгээ, санал болгосон үнэ, боломжит хугацаатай танилцах эрхтэй.

5.2. Захиалагч нь үйлчилгээний мэдээллийг үнэн зөв, ойлгомжтой оруулах үүрэгтэй. Үйлчилгээний нөхцөл, байршил, эрсдэл, тусгай шаардлага, нэвтрэх зөвшөөрөл, тоног төхөөрөмж, материал, аюулгүй байдлын нөхцөлийг урьдчилан мэдэгдэх үүрэгтэй.

5.3. Захиалагч нь үйлчилгээний төлбөрийг платформд заасан нөхцөл, хугацаа, төлбөрийн хэрэгслээр төлөх үүрэгтэй.

5.4. Захиалагч нь үйлчилгээ үзүүлэгчтэй хүндэтгэлтэй, соёлтой харилцах, хууль бус, доромжилсон, ялгаварласан, заналхийлсэн, хувийн мэдээлэл задруулах агуулга бүхий үйлдэл гаргахгүй байх үүрэгтэй.

5.5. Захиалагч нь Хэндл платформыг тойрон харилцахад уруу татахгүй байх үүрэгтэй.

5.6. Захиалагч нь үйлчилгээ дууссаны дараа үнэлгээ, санал хүсэлт өгөх эрхтэй. Үнэлгээ нь бодит, шударга, доромжлолгүй, бусдын нэр төр, ажил хэргийн нэр хүндэд халдаагүй байна.

6.1. Үйлчилгээ үзүүлэгч нь өөрийн боломжит цаг, үйлчилгээний төрөл, үнэ, байршил, туршлага, мэргэшил, шаардлагатай зөвшөөрөл, үйлчилгээний нөхцөлөө платформд оруулах эрхтэй.

6.2. Үйлчилгээ үзүүлэгч нь платформд ирсэн захиалгыг хүлээн авах, татгалзах, санал илгээх, үйлчилгээний нөхцөлийг тодруулах эрхтэй.

6.3. Үйлчилгээ үзүүлэгч нь хүлээн авсан захиалгаа тохирсон хугацаанд, мэргэжлийн түвшинд, аюулгүй, чанартай гүйцэтгэх үүрэгтэй.

6.4. Үйлчилгээ үзүүлэгч нь Захиалагчтай эелдэг, хүндэтгэлтэй харилцах, үйлчилгээний явцад маргаан үүсвэл тайван, эв зүйтэй шийдвэрлэх үүрэгтэй.

6.5. Үйлчилгээ үзүүлэгч нь өөрийн үйлчилгээтэй холбоотой хууль тогтоомж, зөвшөөрөл, мэргэжлийн шаардлага, хөдөлмөрийн аюулгүй байдал, эрүүл ахуйн шаардлагыг бие даан хариуцна.

6.6. Үйлчилгээ үзүүлэгч нь согтууруулах ундаа, мансууруулах бодис хэрэглэсэн үедээ үйлчилгээ үзүүлэх, Захиалагчийн эд хөрөнгө, мэдээлэл, орчин, аюулгүй байдалд хохирол учруулах, үйлчилгээний нэр хүндэд харш үйлдэл гаргахыг хориглоно.

6.7. Үйлчилгээ үзүүлэгч нь платформд бүртгэлтэй өөрийн мэдээлэл, үйлчилгээний зураг, гэрчилгээ, үнэлгээ, үнэ, боломжит цагийн хуваарийг үнэн зөв, шинэчилсэн байлгах үүрэгтэй.

6.8. Үйлчилгээ үзүүлэгч нь Захиалагчийн хувийн мэдээлэл, байршил, утасны дугаар, гэрийн хаяг, төлбөрийн мэдээлэл, үйлчилгээний явцад мэдсэн бусад мэдээллийг гуравдагч этгээдэд дамжуулахгүй, хувийн зорилгоор ашиглахгүй байх үүрэгтэй.

6.9. Үйлчилгээ үзүүлэгч нь үйлчилгээ дууссанаас хойш Захиалагчтай хувийн зорилгоор холбогдох, платформоос гадуур үйлчилгээ санал болгох, дарамтлах, сурталчилгаа илгээхийг хориглоно.

6.10. Үйлчилгээ үзүүлэгч нь өөрийн буруугаас Захиалагч, Хэндл, эсвэл гуравдагч этгээдэд учруулсан хохирлыг хууль тогтоомж болон энэхүү нөхцөлийн дагуу бие даан хариуцна.

7.1. Захиалагч нь үйлчилгээний захиалга үүсгэхдээ үйлчилгээний төрөл, байршил, цаг, хийх ажлын тайлбар, зураг, материал, төсөв, тусгай шаардлага, нэмэлт нөхцөлийг оруулна.

7.2. Үйлчилгээ үзүүлэгч нь захиалгын мэдээлэлтэй танилцсаны дараа захиалга авах, үнэ санал болгох, хугацаа тохирох, нэмэлт мэдээлэл хүсэх боломжтой.

7.3. Захиалагч болон үйлчилгээ үзүүлэгч платформ дээр тохиролцож, захиалга баталгаажсан үеэс тухайн үйлчилгээний харилцаа үүснэ.

7.4. Үйлчилгээ үзүүлэгч нь үйлчилгээ эхлэхээс өмнө байршил, хийх ажил, үнэ, хугацаа, материал, нэмэлт төлбөрийн нөхцөлийг Захиалагчтай тодруулна.

7.5. Үйлчилгээний явцад анхны тохиролцоонд ороогүй нэмэлт ажил үүсвэл талууд платформын боломжит сувгаар дахин тохиролцоно. Нэмэлт ажил, нэмэлт төлбөрийг Захиалагч баталгаажуулсны дараа гүйцэтгэнэ.

7.6. Захиалагч нь үйлчилгээ үзүүлэгчийг ажиллах боломжит орчин, нэвтрэх нөхцөл, аюулгүй байдлаар хангана.

7.7. Үйлчилгээ дууссаны дараа Захиалагч үйлчилгээний гүйцэтгэлийг баталгаажуулах, төлбөрийг эцэслэх, үнэлгээ өгөх боломжтой.

8.1. Үйлчилгээний төлбөр нь платформд урьдчилан заасан үнэ, үйлчилгээ үзүүлэгчийн санал болгосон үнэ, эсвэл талуудын платформ дээр баталгаажуулсан тохиролцоонд үндэслэнэ.

8.2. Хэндл нь үйлчилгээний төрөл, захиалгын хэмжээ, төлбөрийн хэрэгсэл, урамшуулал, гэрээний нөхцөлөөс хамааран платформын шимтгэл тогтоох эрхтэй.

8.3. Захиалагч төлбөрийг бэлэн бус төлбөр, банкны шилжүүлэг, төлбөрийн карт, цахим хэтэвч, эсвэл платформоос зөвшөөрсөн бусад хэрэгслээр төлж болно.

8.4. Үйлчилгээ үзүүлэгчийн шимтгэлийг платформын шимтгэл, буцаалт, торгууль, өр төлбөр, банкны болон гуравдагч этгээдийн шимтгэл зэргийн нийлбэр дүнгээр тусгаж, харуулна.

8.5. Хэндл нь үйлчилгээ үзүүлэгчийн платформын шимтгэл, буцаалт, Захиалагчид олгох нөхөн төлбөр, торгууль, компанид учруулсан хохирол, мерчант болон түнш байгууллагын төлбөрийг үйлчилгээ үзүүлэгчийн хэтэвчид ноогдуулах эрхтэй.

8.6. Үйлчилгээ үзүүлэгч нь өөрийн аппликейшн, нууц үг, пин код, банкны мэдээлэл, хэтэвчний аюулгүй байдлыг хариуцна. Өөрийн буруугаас гуравдагч этгээдэд бүртгэл, хэтэвч, орлогоо алдсан тохиолдолд учирсан хохирлыг өөрөө хариуцна.

8.7. Захиалагч болон үйлчилгээ үзүүлэгч нь платформын шимтгэлээс зайлсхийх зорилгоор платформоос гадуур төлбөр тооцоо хийх, шууд тохиролцох, үйлчилгээний захиалгыг нуух, худал мэдээлэл оруулахыг хориглоно.

9.1. Үйлчилгээ үзүүлэгч нь үйлчилгээ үзүүлэх үедээ цэвэр, зохистой хувцаслах, үйлчилгээний төрөлд тохирсон багаж, материал, тоног төхөөрөмжтэй байх, Захиалагчийн орчинд хүндэтгэлтэй хандах үүрэгтэй.

9.2. Үйлчилгээ үзүүлэгч нь Захиалагчийг нас, хүйс, үндэс угсаа, шашин шүтлэг, хөгжлийн бэрхшээл, нийгмийн байдал, гадаад төрх, хэл, бусад хувийн шинжээр ялгаварлахгүй.

9.3. Үйлчилгээ үзүүлэгч нь үйлчилгээний явцад хараалын үг, доромжлол, заналхийлэл, бэлгийн шинжтэй үг үйлдэл, хүч хэрэглэсэн, айлган сүрдүүлсэн, хууль бус үйлдэл гаргахыг хориглоно.

9.4. Үйлчилгээ үзүүлэгч нь Захиалагчийн зөвшөөрөлгүйгээр зураг, видео, аудио бичлэг хийх, нийтлэх, бусдад дамжуулах, сурталчилгаанд ашиглахыг хориглоно.

9.5. Үйлчилгээ үзүүлэгч нь үйлчилгээний явцад илэрсэн аюул, гэмтэл, осол, маргаан, буруу мэдээлэл, төлбөрийн асуудал, Захиалагчийн гомдлыг Хэндл-д шуурхай мэдэгдэх үүрэгтэй.

9.6. Захиалагч нь үйлчилгээ үзүүлэгчийг доромжлох, дарамтлах, хууль бус ажил хийлгэх, тохиролцоогүй нэмэлт ажил шаардах, аюултай нөхцөлд ажиллуулах, хувийн мэдээллийг нь зөвшөөрөлгүй нийтлэхийг хориглоно.

10.1. Платформыг хууль бус, залилангийн, төөрөгдүүлсэн, бусдын эрх зөрчсөн, хүчирхийлэл, садар самуун, ялгаварлан гадуурхалт, заналхийлэл, гүтгэлэг, доромжлол, улс төр, шашны сурталчилгаа, оюуны өмчийн зөрчилтэй зорилгоор ашиглахыг хориглоно.

10.2. Худал мэдээлэл оруулах, хуурамч үнэлгээ өгөх, өөрийн үйлчилгээний үнэлгээг зохиомлоор өсгөх, бусдын бүртгэл ашиглах, хуурамч үйлчилгээ санал болгохыг хориглоно.

10.3. Платформд вирус, хорт код оруулах, системд зөвшөөрөлгүй нэвтрэх, мэдээлэл хуулбарлах, автомат хэрэгсэл ашиглах, системд хэт ачаалал үүсгэх, үйлчилгээний хэвийн ажиллагаанд саад учруулахыг хориглоно.

10.4. Хэндлийн зөвшөөрөлгүйгээр платформын мэдээлэл, хэрэглэгчийн мэдээлэл, үйлчилгээний жагсаалт, үнэ, үнэлгээ, зураг, текст, дизайн, программын шийдлийг хуулбарлах, нийтлэх, арилжааны зорилгоор ашиглахыг хориглоно.

10.5. Захиалагч болон үйлчилгээ үзүүлэгч нь платформоор авсан хувийн мэдээллийг зөвхөн тухайн захиалгыг гүйцэтгэх зорилгоор ашиглана.

11.1. Хэрэглэгчийн хувийн мэдээллийг цуглуулах, боловсруулах, ашиглах, хадгалах, дамжуулах харилцааг Хэндлийн Нууцлалын бодлогоор зохицуулна.

11.2. Хэрэглэгч нь платформыг ашигласнаар өөрийн бүртгэлийн мэдээлэл, захиалгын мэдээлэл, байршил, төлбөрийн мэдээлэл, үнэлгээ, төхөөрөмжийн мэдээлэл, харилцааны түүхийг үйлчилгээ үзүүлэх, төлбөр тооцоо хийх, аюулгүй байдлыг хангах, маргаан шийдвэрлэх, үйлчилгээ сайжруулах зорилгоор боловсруулахыг зөвшөөрсөнд тооцогдоно.

11.3. Хэндл нь хэрэглэгчийн эмзэг мэдээллийг зөвхөн хуульд нийцсэн үндэслэл, хэрэглэгчийн зөвшөөрөл, эсвэл эрх бүхий байгууллагын шаардлагын дагуу боловсруулна.

11.4. Үйлчилгээ үзүүлэгч нь үйлчилгээний явцад мэдсэн Захиалагчийн хувийн мэдээлэл, гэрийн хаяг, ажлын байр, утасны дугаар, төлбөрийн мэдээлэл, гэр бүлийн байдал, эд хөрөнгийн мэдээлэл, бусад нууц мэдээллийг гуравдагч этгээдэд задруулахгүй байх үүрэгтэй. Энэхүү үүрэг нь үйлчилгээ дууссан, бүртгэл хаагдсан, гэрээ дуусгавар болсон тохиолдолд ч хэвээр үйлчилнэ.

12.1. Захиалагч болон үйлчилгээ үзүүлэгч нь үйлчилгээ дууссаны дараа харилцан үнэлгээ өгөх боломжтой.

12.2. Үнэлгээ, санал, гомдол нь бодит туршлага дээр үндэслэсэн, үнэн зөв, бусдын нэр төр, алдар хүнд, ажил хэргийн нэр хүндэд халдаагүй байна.

12.3. Хэндл нь хэрэглэгчийн гомдол, үйлчилгээний түүх, төлбөрийн мэдээлэл, чат, зураг, үнэлгээ, бусад нотлох мэдээлэлд үндэслэн асуудлыг шалгаж, шаардлагатай арга хэмжээ авч болно.

12.4. Үйлчилгээний чанар, хугацаа, төлбөр, хохиролтой холбоотой маргааныг талууд эхний ээлжид харилцан зөвшилцөх замаар шийдвэрлэнэ.

12.5. Талууд зөвшилцөж шийдвэрлэх боломжгүй бол Монгол Улсын хууль тогтоомжид заасан журмаар эрх бүхий байгууллагаар шийдвэрлүүлнэ.

13.1. Хэрэглэгч энэхүү Үйлчилгээний нөхцөл, Нууцлалын бодлого, үйлчилгээний стандарт, төлбөрийн нөхцөл, хууль тогтоомжийг зөрчсөн тохиолдолд Хэндл дараах арга хэмжээг авч болно:

14.1. Хэндл нь платформын хөгжүүлэлт, шинэчлэлт, засвар үйлчилгээ, аюулгүй байдлын шалгалт, хууль эрх зүйн шаардлага, эрх бүхий байгууллагын шийдвэр, техникийн доголдол, бизнесийн шаардлагаар платформын үйл ажиллагааг бүхэлд нь эсвэл хэсэгчлэн түр зогсоож, хязгаарлаж болно.

14.2. Боломжтой тохиолдолд хэрэглэгчид платформын мэдэгдэл, бүртгэлтэй утасны дугаар, цахим шуудан, эсвэл бусад сувгаар урьдчилан мэдэгдэнэ.

14.3. Хэндл нь үйлчилгээний төрөл, үнэ, шимтгэл, урамшуулал, төлбөрийн нөхцөл, үйлчилгээний стандарт, хэрэглэгчийн эрхийн түвшин, хэтэвчний нөхцөлд өөрчлөлт оруулах эрхтэй.

14.4. Үйлчилгээний нөхцөлд өөрчлөлт орсон тохиолдолд шинэчилсэн нөхцөлийг платформд нийтэлнэ. Хэрэглэгч шинэчилсэн нөхцөл хүчин төгөлдөр болсны дараа платформыг үргэлжлүүлэн ашиглавал өөрчлөлтийг хүлээн зөвшөөрсөнд тооцно.

15.1. Хэндл платформын нэр, лого, дизайн, программ хангамж, эх код, өгөгдлийн бүтэц, интерфэйс, текст, зураг, дүрс, мэдээллийн сан, үйлчилгээний зохион байгуулалт, бизнесийн процесс нь Хэндл болон эрх бүхий этгээдийн оюуны өмч байна.

15.2. Хэрэглэгч нь Хэндлийн бичгээр өгсөн зөвшөөрөлгүйгээр платформын аливаа хэсгийг хуулбарлах, өөрчлөх, түгээх, худалдах, түрээслэх, арилжааны зорилгоор ашиглах, ижил төрлийн үйлчилгээ хөгжүүлэхэд ашиглахыг хориглоно.

15.3. Хэрэглэгч өөрийн байршуулсан зураг, тайлбар, үйлчилгээний мэдээлэл, үнэлгээ, санал хүсэлт нь хууль ёсны, гуравдагч этгээдийн эрх зөрчөөгүй байхыг баталгаажуулна.

16.1. Энэхүү Үйлчилгээний нөхцөл нь Хэрэглэгч платформд бүртгүүлсэн, эсвэл платформыг ашиглаж эхэлсэн өдрөөс хүчин төгөлдөр үйлчилнэ.

16.2. Энэхүү нөхцөлөөр зохицуулаагүй харилцааг Монгол Улсын холбогдох хууль тогтоомжоор зохицуулна.

16.3. Хэндл нь үйлчилгээний цар хүрээ, хэрэглэгчийн туршлага, төлбөр тооцоо, баталгаажуулалт, аюулгүй байдлыг сайжруулах зорилгоор гуравдагч этгээдийн мэдээллийн систем, төлбөрийн байгууллага, банк, төрийн мэдээлэл солилцооны систем, түнш байгууллагатай холбогдох технологийн шийдэл ашиглаж болно.

16.4. Энэхүү Үйлчилгээний нөхцөлийн аль нэг заалт хүчин төгөлдөр бус болсон нь бусад заалтын хүчин төгөлдөр байдалд нөлөөлөхгүй.

16.5. Үйлчилгээтэй холбоотой санал, хүсэлт, гомдлыг дараах сувгаар хүлээн авна.